बैतडी –बैतडीको सदरमुकामस्थित दशरथचन्द नगरपालिकाको मेयरका लागि ६ जनाको उम्मेदवारी दर्ता भएको छ । स्वतन्त्रबाट दीपकराज शर्मा सहित ६ जनाको उम्मेदवारी दर्ता भएको मुख्य निर्वाचन अधिकृत तिलकबहादुर कार्कीले बताए ।
दशरथचन्द नगरपालिकाको मेयरका लागि नेकपा एमालेबाट पुष्करराज जोशी (लख्खाभाइ), नेपाली कांग्रेसबाट गजेन्द्रसिंह रावल, नेकपा माओवादी केन्द्रबाट प्रेमसिंह थापा, राष्ट्रिय प्रजातन्त्र पार्टीबाट चन्द्रसिंह थापा र जनता समाजवादी पार्टीबाट आनसिंह भण्डारीको उम्मेदवारी दर्ता भएको छ ।
यस्तै नगरपालिकाको उपमेयर पदका लागि ५ जनाको उम्मेदवारी दर्ता भएको छ । नेकपा एमालेबाट सरस्वती नेपाली, नेपाली कांग्रेसबाट कौशिला चन्द, राप्रपाबाट अम्बिका भण्डारी, नेकपा एकीकृत समाजवादीबाट राजुराम भुल र जसपाबाट नन्दादेवी भाटको उम्मेदवारी दर्ता भएको छ ।
नगरपालिकाका ११ वडा अध्यक्षका लागि ५४ जनाको उम्मेदवारी दर्ता भएको छ । यस्तै खुला सदस्यका लागि ८३ जना, दलित महिला सदस्यका लागि ३८ जना र महिला सदस्यका लागि ४१ जनाको उम्मेदवारी दर्ता भएको मुख्य निर्वाचन अधिकृतको कार्यालयले जनाएको छ ।
