बैतडीमा ४ सय ४० पदका लागि १४ सय बढीको उम्मेदवारी दर्ता
बैतडी –आसन्न स्थानीय तहको निर्वाचनका लागि बैतडीमा १४ सय बढी उम्मेदवारी दर्ता भएको छ । जिल्ला निर्वाचन कार्यालयका अनुसार विभिन्न ४ सय ४० पदका लागि १४ सय ४२ जनाको उम्मेदवारी दर्ता भएको छ ।
जिल्लाको दशरथचन्द नगरपालिकामा २२७ जना, मेलौली नगरपालिकामा १९३ जना, पुर्चौंडी नगरपालिकामा १७६ जना र पाटन नगरपालिकामा १६१ जनाको उम्मेदवारी दर्ता भएको निर्वाचन कार्यालयले जनाएको छ ।
यस्तै जिल्लाको सुर्नया गाउँपालिकामा १४९ जना, सिगास गाउँपालिकामा १८१ जना,दोगडाकेदार गाउँपालिकामा १२५ जना, शिवनाथ गाउँपालिकामा ९२ जना, पञ्चेश्वर गाउँपालिकामा ७९ जना र डिलाशैनी गाउँपालिकामा ५९ जनाको उम्मेदवारी दर्ता भएको निर्वाचन कार्यालयले जनाएको छ ।
प्रकाशित मिति: मंगलबार, वैशाख १३, २०७९ १०:२९
प्रतिक्रिया दिनुहोस्
लोकप्रीय
