बैतडी –आसन्न स्थानीय तहको निर्वाचनमा बैतडीका स्थानीय तहका उम्मेदवार र मतदाताहरुसंग अन्तरक्रिया गर्ने उद्देश्यले रेडियो निङ्गलाशैनीले चुनाव बिशेष कार्यक्रम सञ्चालन गर्ने भएको छ ।
जनताका प्रश्न र उम्मेदवारका जवाफ लिने उद्देश्य सहित बहसमूलक भिडियो अन्तरक्रिया गरिनेछ । जिल्लाका स्थानीय तहमा कार्यक्रम सञ्चालन गरिने रेडियो निङ्गलाशैनीका प्रबन्ध निर्देशक महेश अवस्थीले बताए ।
आगामी ५ बर्षका लागि उम्मेदवारका योजना र त्यसमा नागरिकका अपेक्षाका बिषयमा अन्तरक्रियात्मक सम्वाद गर्ने उद्देश्य सहित कार्यक्रम सञ्चालनको तयारी भएको हो ।
कार्यक्रमको पहिलो भाग यही वैशाख १६ गते बिहान ८ बजे पाटन नगरपालिकामा सञ्चालन गरिनेछ । सो कार्यक्रममा सबै दल तथा स्वतन्त्रबाट मेयर र उपमेयर पदका उम्मेदवारहरुलाई आमन्त्रण गरिएको छ भने नागरिकलाई सहभागिताका लागि आग्रह गरिएको छ ।
चुनाव जितेपछि उम्मेदवारहरुले आफ्ना प्रतिबद्धता कार्यान्वयन गरुन भन्ने उद्देश्य सहित कार्यक्रम सञ्चालन गर्ने तयारी भएको हो ।
