बैतडी- नेकपा माओवादी केन्द्र बैतडीले स्थानीय तहको निर्वाचनका लागि पार्टीका आधिकारिक उम्मेदवार विरुद्ध बागी र स्वतन्त्र उम्मेदवारी दिएकाहरुलाई उम्मेदवारी फिर्ता लिन अपिल गरेको छ । पालिकामा समबन्धीत दलका आधिकारिक उम्मेदवार विरुद्ध स्वतन्त्र, बागि उम्मेदवारी दिएको भए सो उम्मेदवारी फिर्ता लिन अपिल गरेको हो ।
गठबन्धन दलको केन्द्रिय एवं नेपाल कम्युनिष्ट पार्टीको केन्द्रीय सर्कुलर अनुसार आधिकारिक उम्मेदवार विरुद्ध बागी र स्वतन्त्र उम्मेदवारी दिएकालाइ उम्मेदवारी फिर्ता लिन आग्रह गरिएको नेकपा माओवादी केन्द्र बैतडीका जिल्ला समुन्वय समिति संयोजक संकर भण्डारीले बताए ।
नेकपा माओवादी केन्द्र बैतडीले बुधबार आपिल पत्र जारी गरेर गठबन्धन दलको केन्द्रिय एवं नेपाल कम्युनिष्ट पार्टी माओवादीको केन्द्रीय सर्कुलर अनुसार आधिकारिक उम्मेदवार विरुद्ध बागी र स्वतन्त्र उम्मेदवारी फिर्ता लिइ गठबन्धन दलमा आवद्ध एवं , पार्टीको तर्फबाट भएको उम्मेदवारहरुलाइ जिताउनका लागि सबैतहका कार्यकर्ताहरुलाइ अपिल गरेको छ । यस्तै यसअघि काँग्रेस बैतडीले पनि आसन्न स्थानीय तहको निर्वाचनका लागि पार्टीका आधिकारिक उम्मेदवार विरुद्ध बागी र स्वतन्त्र उम्मेदवारी दिएकाहरुलाई उम्मेदवारी फिर्ता लिन आग्रह गरिसकेको छ । 
