बैतडी – बैतडीको दशरथचन्द नगरपालिका वडा नं ६ का कांग्रेस सभापति नरेन्द्रबहादुर चन्द एमालेमा प्रवेश गरेका छन् । कांग्रेसका नेता एवं पूर्वराज्यमन्त्री नरबहादुर चन्दका भाइ समेत रहेका नरेन्द्रबहादुर चन्द एमालेमा प्रवेश गरेका हुन् । 

नेपाली कांग्रेसको तर्फबाट दशरथचन्दनगरपालिकामा मेयरका उम्मेदवार गजेन्द्रसिंह रावलको वडाका चन्द गत स्थानीयतहको निर्वाचनमा कांग्रेसबाट वडा सदस्यमा निर्वाचित समेत भएका थिए । 

गएको २० बर्षदेखि कांग्रेसको सक्रिय राजनीतिमा रहेका चन्दपार्टीको टिकट वितरण प्रक्रियामा असन्तुष्ट बनेका थिए । 
चन्दलाई एमालेका जिल्ला इन्चार्ज पुरनसिंह दयाल, जिल्ला सह–इन्चार्ज लिलाधर भट्टले स्वागत गरेका छन् । एक विज्ञप्ती जारी गर्दै उनले कांग्रेस परित्याग गरेका हुन् ।