बैतडी –आसन्न स्थानीय तहको निर्वाचनमा बैतडीका चारओटा पालिकाका पुराना जनप्रतिनिधि चुनावी दौडमा रहेका छन् । जिल्लाको पञ्चेश्वर गाउँपालिकामा एमालेबाट अध्यक्ष पदका लागि गोरखबहादुर चन्द र उपाध्यक्ष पदका लागि बीना भट्ट चुनावी मैदानमा रहेका छन् । उनीहरु दुवै जना गएको स्थानीय तहको निर्वाचनमा एमालेबाट अध्यक्ष र उपाध्यक्ष पदमा निर्वाचित भएका थिए ।
यस्तै जिल्लाको दोगडाकेदार गाउँपालिकको अध्यक्ष पदका लागि चक्र कार्की र उपाध्यक्ष पदका लागि पार्वती कार्की चुनावी मैदानमा छन् । उनीहरु दुवै जना गएको स्थानीय तहको निर्वाचनमा पनि एमालेबाट अध्यक्ष र उपाध्यक्ष पदमा निर्वाचित भएका थिए ।
यस्तै जिल्लाको शिवनाथ गाउँपालिकाको अध्यक्ष पदका लागि कर्णसिंह साउँद चुनावी मैदानमा छन् । उनी पनि गएको स्थानीय तहको निर्वाचनमा नेपाली कांग्रेसबाट अध्यक्ष पदमा निर्वाचित भएका थिए । उनी अहिले पनि कांग्रेसबाट अध्यक्ष पदका लागि चुनावी दौडमा रहेका छन् ।
यस्तै जिल्लाको सिगास गाउँपालिकाको अध्यक्ष पदका लागि हरिसिंह धामी चुनावी मैदानमा रहेका छन् । गएको स्थानीय तहको निर्वाचनमा कांग्रेसबाटै निर्वाचित भएका धामी अहिले पनि अध्यक्ष पदका लागि चुनावी दौडमा रहेका छन् ।
