बैतडी –नेकपा एमालेबाट निर्वाचित भुपु गाविस अध्यक्ष माओवादी केन्द्रमा प्रवेश गरेका छन् । बैतडीको पुर्चौंडी नगरपालिका वडा नं ७ का कोटिलाका नागीसिंह साउँद माओवादी केन्द्रमा प्रवेश गरेका हुन् ।
२०५४ सालको निर्वाचनमा उनी एमालेबाट कोटिला गाविसको अध्यक्षमा निर्वाचित भएका थिए भने गत स्थानीय तहको निर्वाचनमा एमालेबाट वडा अध्यक्षका उम्मेदवार बनेका थिए । गत स्थानीय तहको निर्वाचनमा उनका छोरा उज्जवलसिंह साउँद माओवादी केन्द्रबाट वडा अध्यक्ष उम्मेदवार बनेका थिए । गत निर्वाचनमा सो वडामा कांग्रेसले जित हात पारेको थियो ।
शुक्रबार माओवादी केन्द्रले कोटिलामा आयोजना गरेको चुनावी सभामा साउँदले एमाले परित्याग गर्दै माओवादी प्रवेश गरेका माओवादी केन्द्रका प्रदेश कमिटि सदस्य कृष्णप्रसाद बडु (भाष्कर)ले बताए । उनलाई माओवादी केन्द्रका केन्द्रिय सदस्य नरेन्द्र कुँवरले पार्टीमा प्रवेश गराएका हुन् ।
