वडा अध्यक्षमा निर्वाचित भए आर्थिक सुविधा शिक्षा क्षेत्रमा खर्च गर्ने बोहराको घोषणा
बैतडी –बैतडीको दशरथचन्द नगरपालिका वडा नं २ को वडा अध्यक्षका उम्मेदवार तेजबहादुर बोहराले आफू वडा अध्यक्षमा निर्वाचित भए आफूले पाउने सुविधा शिक्षा क्षेत्रमा खर्च गर्ने बताएका छन् ।
रेडियो निङ्गलाशैनीको कार्यक्रम जनचासोमा बोल्दै वडा अध्यक्ष बोहराले समाजसेवाका लागि आफू राजनीतिमा आएकाले यसलाई समाजसेवाको रुपमा अघि बढाउने बताए । नेपाली कांग्रेसका तर्फबाट आफू वडा अध्यक्ष उम्मेदवार भएको र वडाको विकासका लागि मत मागिरहेको उनले बताए ।
वडा अध्यक्षमा निर्वाचित भएमा आफूले वडा अध्यक्षको हैसियतमा पाउने सबै सेवा सुविधा शिक्षा क्षेत्रमा खर्च गरेर शिक्षा क्षेत्रमा सुधार ल्याउने उनले बताए । उनले भने ‘म राजनीतिमा समाजसेवाका लागि आएको हुँ । मैले जितेमा मैले पाउने सुविधा शिक्षा क्षेत्रमा खर्च गर्छु ।’
प्रकाशित मिति: आइतबार, वैशाख १८, २०७९ १४:१२
प्रतिक्रिया दिनुहोस्
थप बैतडी
लोकप्रीय
