बैतडी –रेडियो निङ्गलाशैनी ९४ मेगाहर्जले सञ्चालन गरेको सेल्फी स्कीम कार्यक्रममा बैतडीको सुर्नया गाउँपालिका ५ रौलेश्वरका दिनेश मडै विजेता भएका छन् । कार्यक्रम सवाल–जवाफमा सहभागी भएकाहरुले फोटो खिची फेसबुकमा पोष्ट गरेपछि उनीहरु मध्येबाट गोलाप्रथा गरेर एकजनालाई विजेता छानिएको हो । 

सुर्नयाको रौलेश्वर माविको प्रांगणमा आयोजना भएको कार्यक्रममा छनौट भएका मडैलाई नगद पुरस्कार सहित दोसल्ला र सम्मान पत्र प्रदान गरिएको छ । विजेता मडैलाई सुर्नया गाउँपालिकामा विभिन्न पार्टीका उम्मेदवार , निर्वाचन अधिकृत सिद्धराज जोशी र रेडियो निङ्गलाशैनीका प्रबन्ध निर्देशक महेश अवस्थीले संयुक्त रुपमा नगद पुरस्कार, दोसल्ला र सम्मान पत्र प्रदान गरे । 

रेडियो निङ्गलाशैनीले प्रदान गरेको सम्मानले आफू हर्षित भएको बताउँदै मडैले चुनावका बेला रेडियोले सञ्चालन गरेको कार्यक्रमको प्रशंसा गरे । कार्यक्रम सवाल–जवाफमा सहभागी भएकाहरुलाई सम्मानित गर्ने उद्देश्यले रेडियो निङ्गलाशैनीले सेल्फी स्कीम सञ्चालनमा ल्याएको हो । यो स्कीम अन्तर्गत सहभागीहरुले रेडियो निङ्गलाशैनीको ब्यानरसंग फोटो खिचेर फेसबुकमा पोष्ट गर्नुपर्ने छ । फेसबुकमा फोटो पोष्ट गर्नेहरु मध्येबाट गोलाप्रथा गरेर एकजनालाई विजेता घोषणा गर्ने गरिएको छ ।