बैतडी –वैशाख ३० गते हुने स्थानीय तहको बैतडीमा मतदान अधिकृत र सहायक मतदान अधिकृत तोकिएका छन् । २ सय ५ ओटा मतदान केन्द्रमा खटिने मतदान अधिकृत र सहायक मतदान अधिकृत तोकिएका मुख्य निर्वाचन अधिकृत तिलकबहादुर कार्कीले जानकारी दिए । 

२सय ५ ओटै मतदान केन्द्रमा मतदान अधिकृत र सहायक मतदान अधिकृतसंगै सहायक कर्मचारीहरु समेत तोकिएका मुख्य निर्वाचन अधिकृत कार्कीले जानकारी दिए । 

यही वैशाख २३ र २४ गते जिल्ला सदरमुकाममा मतदान अधिकृत र सहायक मतदान अधिकृतहरुका लागि तालिम सञ्चालनको तयारी समेत भएको छ । तालिमपछि उनीहरुलाई नियुक्ती दिएर कार्यस्थलमा खटाइने मुख्य निर्वाचन अधिकृत कार्कीले बताए । 

निर्वाचनका लागि आवश्यक पर्ने मतपत्र लगायतका सामग्री यसअघि नै जिल्ला आइपुगेको निर्वाचन कार्यालयले जनाएको छ ।