दार्चुला –दार्चुलाको मालिकार्जुन गाउँपालिकाको पहिलो बैठकले विभिन्न राजनैतिक दलमा आबद्ध रहेका शिक्षक र कर्मचारीलाई सात दिनभित्र राजीनामा दिन निर्देशन दिएको छ । 

गाउँपालिकाभित्र रहेका शिक्षक र कर्मचारी कोही राजनीति दलसंग आवद्ध भएमा सात दिनभित्र आफूले राजनीतिक दलसँगको आवद्धता त्यागेको विवरण पेश गर्नुपर्ने गाउँपालिकाले जनाएको छ । 

‘सात दिनभित्र राजनीतिक दलको आवद्धता त्यागी÷त्याग्न लगाई सोको जानकारी गाउँपालिका कार्यालयमा पेश गर्न अनुरोध छ। अन्यथा कानुनबमोजिम भई जाने व्यहोरा जानकारीका लागि अनुरोध छ,’ गाउँपालिकाले जारी गरेको पत्रमा भनिएको छ ।