कैलाली –कैलालीमा मोटरसाइकल दुर्घटना हुँदा एक जनाको मृत्यु भएको छ । दुर्घटनामा मोटरसाइकल चालक घोडाघोडी नगरपालिकाका २३ बर्षीय रामअवतार कठरीयाको मृत्यु भएको प्रहरीले जनाएको छ । 

मंगलबार राति जिल्लाको गौरीगंगा नगरपालिका–९ शंकरपुर बजारमा पश्चिमबाट पूर्वतर्फ जाँदै गरेको से ७ प ११४७ र सोही दिशातर्फ गइरहेको सुपप्र ०१ ००९ प ७८९१ नम्बरको मोटरसाइकल ठोक्किएर दुर्घटना भएको हो । 

त्यस्तै, कैलारी गाउँपालिका–८ का २० वर्षीय रोशन कठरीया, घोडाघोडीका २१ वर्षीय आशिष कठरीया र अर्को मोटरसाइकलका चालक गौरीगंगा–९ का २७ वर्षीय रमेश चौधरी घाइते भएका प्रदेश ट्राफिक प्रहरी कार्यालय अत्तरियले जनाएको छ ।

गम्भीर घाइते भएका आशिषलाई थप उपचारका लागि कोहलपुर रेफर गरिएको र रमेशलाई धनगढी रेफर गरिएको बताइएको छ ।