कैलाली –धनगढीमा मोटरसाइकल दुर्घटना हुँदा डोटीका एक युवकको मृत्यु भएको छ । उपमहानगरपालिकाको वडा नम्बर ३ चटकपुरस्थित अस्थायी प्रहरी पोष्ट नजिकै से २ प ५२८२ नम्बरको मोटरसाइकल मंगलबार राति दुर्घटना भएको हो । 

दुर्घटनामा परी मोटरसाइकलमा सवार डोटीको जोरायल गाउँपालिका–१ का २८ वर्षीय चित्र मडैको मृत्यु भएको प्रहरीले जनाएको छ । गम्भीर घाइते भएका मडैलाई उपचारका लागि माया मेट्रो अस्पताल लगिएकोमा अस्पतालले उनलाई मृत घोषणा गरेको प्रदेश ट्राफिक प्रहरी कार्यालय अत्तरियाले जनाएको छ । 

दुर्घटनामा परी मोटरसाइकल चालक जोरायल–१ कै २१ वर्षीय सन्तोष मल्ल घाइते भएका र उनको माया मेट्रो अस्पतालमा उपचार भइरहेको प्रहरीले जनाएको छ ।