बैतडी –दशैं तथा तिहारको अवसरमा बैतडीमा जिल्लास्तरीय ब्याडमिन्टन प्रतियोगिता हुने भएको छ । जिल्ला सुरक्षा समितिको आयोजना र अन्य संघसंस्थाहरुको व्यवस्थापनमा ब्याडमिन्टन प्रतियोगिता हुने जिल्ला प्रशासन कार्यालयले जनाएको छ । 

भोलि बिहान १० बजेदेखि जगन्नाथ ब्याडमिन्टन हल गढीमा प्रतियोगिता हुने जनाइएको छ । प्रतियोगितामा सहभागी हुन चाहनेले भोलि बिहान ७ बजे सम्म नाम दर्ता गराउन आग्रह गरिएको छ । 

प्रतियोगितामा प्रथम हुनेलाई नगद १५ हजार सहित मेडल र प्रमाणपत्र प्रदान गरिनेछ भने दोश्रो हुने टीमलाई नगद १० हजार सहित मेडल र प्रमाणपत्र प्रदान गरिने छ । यस्तै तृतीय हुने दुई टीमलाई नगद ५ हजार सहित मेडल र प्रमाणपत्र प्रदान गरिनेछ ।