बैतडी – बैतडीको पाटनमा जारी दोश्रो संस्करणको पाटन प्रिमियर लिग (पीपीएल) क्रिकेटमा आज पनि चार खेल सम्पन्न भएका छन् । आज भएको पहिलो खेलमा मेलौली क्रिकेट क्लबले शाहिलेकलाई ५ विकेट हराएको छ । टस हारेर ब्याटिङको निम्तो पाएको शाहिलेकले निर्धारित १२ ओभरमा ९१ रन बनाएको थियो । ९२ रनको लक्ष्य पछ्याएको मेलौलीले ११.१ ओभरमा ५ विकेट गुमाएर लक्ष्य भेट्टाएको हो ।
आजै नवदुर्गा क्रिकेट क्लबलाई जाडीकोट क्लबले हराएको छ । टस जितेर ब्याटिङ रोजेको जाडीकोटले निर्धारित १२ ओभरमा अलआउट हुदै ८९ रन बनाएको थियो । ९० रनको विजयी लक्ष्य पछ्याएको नवदुर्गाले १० ओभरमा अलआउट हुँदै ६४ रन मात्रै बनाउन सक्यो ।
आजै भएको तेश्रो खेलमा खोडपे क्रिकेट क्लब(केसीसी)ले शाहिलेक क्रिकेट क्लबलाई हराएको छ । टस जितेर ब्याटिङ गरेको केसीसीले निर्धारित १२ ओभरमा ९ विकेट गुमाएर ११६ रन बनाएको थियो । ११७ रनको विजयी लक्ष्य पछ्याएको शाहिलेक १२ ओभरमा ९१ रनमा समेटियो ।
आजै भएको अन्तिम खेलमा पिसीसी पल्टनले नवदुर्गालाई ७ विकेटले हराएको छ । टस जितेर ब्याटिङ गरेको नवदुर्गाले निर्धारित १२ ओभरमा ८ विकेट गुमाएर ६२ रन बनाएको थियो । ६३ रनको लक्ष्य पछ्याएको पल्टनले ५.१ ओभरमा लक्ष्य भेट्टाएको हो ।
