डडेल्धुरा –नेपाल विद्यार्थी संघ (नेविसंघ) डडेल्धुराले चौथो संस्करणको ‘स्ववियु कप भलिबल प्रतियोगिता’ को उपाधि जितेको छ । सोमबार भएको फाइनलमा कैलालीको किशोर निर्माण सेवालाई ३–१ को सेटले हराउँदै नेविसंघ डडेल्धुराले उपाधि उचालेको हो । 

नेविसंघले पहिलो सेट जित्यो । त्यसपछि उत्कृष्ट पुनरागमन गर्दै किशोर निर्माण सेवाले दोस्रो सेट आफ्नो पक्षमा पा¥यो ।  त्यसपछिका तेस्रो र चौथौ सेटमा जित निकाल्दै नेविसंघ उपाधि कब्जा गर्न सफल भएको हो । 

उपाधिसँगै नेविसंघले एक लाख ५१ हजार नगदसहित ट्रफी र मेडल प्राप्त गरेको छ । उपविजेता बनेको किशोर निर्माण सेवाले ७५ हजार पाएको छ । नेविसंघ बैतडीको पञ्चेश्वर गाउँपालिकाको टिमलाई हराउँदै फाइनलमा पुगेको थियो । 

यस्तै पञ्चेश्वर गाउँपालिकाको टिम तेस्रो भएको छ । नेविसंघ बीपीलाई ३–० को सोझो सेटले हराउँदै गर्दै पञ्चेश्वर तेस्रो भएको हो ।  उसले नगद ४० हजारसहित ट्रफी र मेडल हात पारेको छ ।

स्वतन्त्र विद्यार्थी युनियन डडेल्धुरा बहुमुखी क्याम्पसको आयोजनामा प्रतियोगिता ६ गतेदेखि सुरु भएको थियो ।