बैतडी –बैतडीको सुर्नया गाउँपालिका वडा नं ८ सेलामा खुल्ला पुरुष भलिबल प्रतियोगिता हुने भएको छ । सिगास खेलकुद विकास समिति र गणेश आधारभूत विद्यालयको संयुक्त आयोजनामा बुधबारदेखि भलिबल प्रतियोगिता सञ्चालन हुने समितिका सदस्य रामबहादुर साउँदले बताए । 

गणेश आधारभूत विद्यालयको प्रांगणमा हुने भलिबल प्रतियोगितामा अहिले सम्म ६ टीमले नाम दर्ता गराइसकेको साउँदले बताए । दुई दिन सम्म सञ्चालन हुने प्रतियोगितामा प्रथम हुने टीमलाई नगद ७ हजार सहित ट्रफि, मेडल र प्रमाण पत्र दिइनेछ । यस्तै दोश्रो हुने टीमलाई नगद ४ हजार ट्रफि, मेडल र प्रमाणपत्र दिइने छ भने तेश्रो हुने टीमलाई नगद २ हजार सहित ट्रफि, मेडल र प्रमाणपत्र प्रदान गरिने बताइएको छ ।