नेपालमा प्याराग्लाइडिङमा प्रतिबन्ध
काठमाण्डौं –सरकारले नेपालमा प्याराग्लाइडिङ उडान अनिश्चितकालका लागि बन्द गरेको छ ।नेपाल नागरिक उड्डयन प्राधिकरणले अर्को व्यवस्था नभएसम्म देशैभर सबै प्रकारका प्याराग्लाइडिङ उडान बन्द गर्ने निर्णय गरेको हो ।
पोखराको सराङकोटमा राष्ट्रिय खेलकुदका दौरान प्याराग्लाइडिङ दुर्घटनाबाट आइतबार एक जनाको मृत्यु भएको थियो । यससँगै प्राधिकरणले देशैभर प्याराग्लाइडिङ उडान बन्द गर्ने निर्णय गरेको हो ।
अब उडानको सुरक्षा, ऐन नियम र प्रावधानहरुबारे समेत प्राधिकरणले अध्ययन गर्ने भएको छ । सोहीकारण तत्कालका लागि सबै उडान बन्द गर्ने निर्णय भएको प्राधिकरणले जनाएको छ ।
प्रकाशित मिति: आइतबार, असोज ३०, २०७९ १६:०५
प्रतिक्रिया दिनुहोस्
