बैतडी –प्रधानमन्त्री कप एकदिवसीय क्रिकेटको सुदूरपश्चिम प्रदेशस्तरीय छनोटमा बैतडीले विजयी शुरूवात गरेको छ । मंगलबार भएको खेलमा बैतडीले बझाङलाई ६ विकेटले पराजित गर्दै विजयी शुरूवात गरेको हो । 

बझाङले दिएको १२२ रनले लक्ष्य बैतडीले १७ ओभरमा  ४ विकेट गुमाउँदै भेट्टायो । जसमा दिपक बोहराले ४८,खडक बोहराले २६  र वीरेन्द्र नाथले नटआउट २४ रनको योगदान गरे ।

बझाङका अनिल थापाले ३ र सुशील रावलले १ विकेट  लिए । त्यसअघि पहिला ब्याटिङ गरेको बझाङ ३८ ओभरमा १२१ रनमा अलआउट भयो । उसका गजेन्द्र भण्डारीले २९ र अनिल थापाले २५ रन बनाए ।बैतडीका खडक बोहराले ३,बसन्त खत्री र हिक्मत महराले २÷२ विकेट झारे ।

नेपाल क्रिकेट संघ (क्यान) को आयोजनामा प्रधानमन्त्री कप एकदिवसीय क्रिकेट प्रतियोगिता कार्तिक १२ गतेदेखि काठमाडौंमा हुँदैछ ।