भेरी नदीमा पौडी खेल्ने क्रममा डुबेर दुई जना बेपत्ता
सुर्खेत – भेरी नदीमा पौडी खेल्ने क्रममा डुबेर दुई जना बेपत्ता भएका छन् । आज दिउँसो २ बजे बनभोज खान गएका दुई जना भेरीगंगा नगरपालिका–२ सत्तरीमा पर्ने भेरी नदीमा पौडी खेल्ने क्रममा बगेर बेपत्ता भएका जिल्ला प्रहरी कार्यालयले जानकारी दिएको छ ।
दैलेखको भगवतीमाई गाउँपालिका ४ घर भइ हाल वीरेन्द्रनगर नगरपालिका–३ बस्ने १९ वर्षीय छवि बुढा र वीरेन्दनगर ३ का १९ वर्षीय दिपक थापा बेपत्ता भएका जिल्ला प्रहरी कार्यालयका प्रवक्ता डीएसपी सुरज कार्कीले जानकारी दिए । बेपत्ता भएकाहरुको खोजी कार्य भइरहेको उनले बताए ।
प्रकाशित मिति: शनिबार, कात्तिक १२, २०७९ १८:४२
प्रतिक्रिया दिनुहोस्
