राप्रपाको चुनावी सभामा मनिषा कोइराला सहभागी
काठमाण्डौ – चर्चित अभिनेत्री मनिषा कोइराला काठमाण्डौमा आयोजित राष्ट्रिय प्रजातन्त्र पार्टी (राप्रपा) को चुनावी सभामा सहभागी भएकी छिन् । शुक्रवार काठमाण्डौको वसन्तपुरमा आयोजित पार्टीको चुनावी सभामा अभिनेत्री कोइराला सहभागी भएकी हुन् । बलिउडमा चर्चा कमाएकी अभिनेत्री कोइराला राप्रपाका अध्यक्ष राजेन्द्र लिङ्देनको साथमा कार्यक्रममा सहभागी भएकी हुन् ।
नेपाली कांग्रेसका संस्थापक एवम् नेपालको पहिलो जननिर्वाचित प्रधानमन्त्री वीपी कोइरालाकी नातिनी अभिनेत्री कोइरालालाई कार्यक्रममा सहभागी हुँदा ताली बजाएर भव्य स्वागत गरिएको छ ।
यसअघि आजै अभिनेत्री कोइरालाले पोखरामा आयोजित राप्रपाको चुनावी सभामा बोल्दै वीपी विचार बोकेकाले राप्रपालाई आफूले रोजेको बताएकी थिइन् । विपीको मेलमिलाप निती राप्रपाले बोेकेको उनको जिकिर थियो ।
प्रकाशित मिति: शुक्रबार, कात्तिक २५, २०७९ १७:४८
प्रतिक्रिया दिनुहोस्
