प्रतिनिधि सभामा एमालेको खाता खुल्यो, ललितपुर २ मा प्रेमबहादुर महर्जन विजयी
काठमाण्डौ – ललितपुर क्षेत्र नम्बर २ मा नेकपा एमालेका प्रेमबहादुर महर्जन विजयी भएका छन् । निकटतम प्रतिस्पर्धी हाम्रो नेपाली पार्टीका सुदिन शाक्यलाई नौ हजार भन्दा धेरै मतले पछि पार्दै एमालेका महर्जन विजयी भएका हुन् ।
विजयी महर्जनले १९ हजार ८३४ मत प्राप्त गरेका छन् भने हाम्रो नेपाली पार्टीका शाक्यले १० हजार ४४० मत प्राप्त गरे । यस्तै राष्ट्रिय स्वतन्त्र पार्टीका वुद्धरत्न महर्जनले १० हजार १३६ मत प्राप्त गरेका छन् । सत्ता गठबन्धनको तर्फबाट उम्मेदवार बनेका नेकपा एकीकृत समाजवादीका कृष्णलाल महर्जन ९ हजार ५३९ मत प्राप्त गरे ।
निर्वाचन आयोगले औपचारिक रुपमा घोषणा भने गरिसकेको छैन । यस पटकको प्रतिनिधिसभा निर्वाचनमा नेकपा एमालेको यो पहिलो जित हो ।
प्रकाशित मिति: सोमबार, मंसिर ५, २०७९ २२:४५
प्रतिक्रिया दिनुहोस्
