एमाले वरिष्ठ उपाध्यक्ष ईश्वर पोखरेलको हार पक्का
काठमाण्डौं –मतगणना नसकिँदै एमाले वरिष्ठ उपाध्यक्ष ईश्वर पोखरेलको हार निश्चित भएको छ । कूल ४५ हजार ९५८ मत खसकोमा अहिलेसम्म ४१ हजार ६१८ मतगणना भइसकेको छ। अब ४ हजार ३४० मत गन्न बाँकी छ ।
तर, गणना सम्पन्न हुनुअघि नै पोखरेल र कांग्रेस उम्मेदवार प्रदीप पौडलबीचको मतान्तर ४ हजार ५९० पुगिसकेको छ ।
पौडेलले १४ हजार ५२ मत पाएका छन् । पोखरेलले ९ हजार ४६२ मत पाएका छन् ।
प्रकाशित मिति: मंगलबार, मंसिर ६, २०७९ २०:३६
प्रतिक्रिया दिनुहोस्
