मोरङ –६ मा कांग्रेसका शेखर विजयी, एमालेका लालबाबु पराजित
मोरङ – मोरङ–६ मा नेपाली कांग्रेसका उम्मेदवार डा. शेखर कोइराला निर्वाचित भएका छन् । एमाले उम्मेदवार लालबाबु पण्डितलाई १२ हजार २८४ सय मतान्तरले पराजित गर्दै डा. कोइराला प्रतिनिधि सभा सदस्यमा निर्वाचित भएका हुन् ।
कोइरालाले ३५ हजार २१३ मत प्राप्त गरे । एमालेका पण्डितले २२ हजार ९२९ मत ल्याए ।
डा. कोइरालाले सुरुवातदेखि नै अग्रता कायम गरेका थिए । संविधानसभाको उपनिर्वाचन र दोस्रो संविधानसभामा विजयी कोइराला २०७४ को प्रतिनिधि सभा सदस्यमा एमालेका पण्डितसँग पराजित भएका थिए ।
प्रकाशित मिति: शुक्रबार, मंसिर ९, २०७९ ०८:५३
प्रतिक्रिया दिनुहोस्
