बैतडी –प्रधानमन्त्री कप महिला राष्ट्रिय क्रिकेट प्रतियोगिता अन्तर्गत सुदूरपश्चिम प्रदेशस्तरीय छनौटको लागि बैतडीको टोली घोषणा गरिएको छ । बैतडी जिल्ला क्रिकेट संघले रितु कनौजियाको कप्तानीमा १४ सदस्यीय टोली घोषणा गरेको हो ।
टोलीका अन्य सदस्यहरुमा निर्मला भण्डारी,पिङकी बोहरा,बसन्ती बोहरा,रेनु पेला,लक्ष्मी महर,मनिषा बोहरा, ममता बोहरा,आरती बोहरा,करिश्मा थापा,जानकी थापा,संगिता मौनी, ललिता चन्द र दिव्या कार्की रहेका छन् ।
यस्तै पुजा कार्की, बबिता बोहरा,लक्ष्मी बोहरा, आसिका चन्द वैकल्पिक खेलाडीको रुपमा रहेका छन् । टिम प्रशिक्षकमा दीपेन्द्र चन्द र व्यवस्थापकमा दीपेन्द्रबहादुर बोहरालाई जिम्मेवारी लिइएको छ ।
दुईदिनसम्म सञ्चालन भएको बन्द प्रशिक्षणबाट उत्कृष्ट प्रदर्शन गरेको आधारमा टोली घोषणा गरिएको बैतडी जिल्ला क्रिकेट संघका सचिव सिद्धराज बोकटीले जानकारी दिए । सुदूरपश्चिम प्रदेश छनौट प्रतियोगिता पुस १८ गतेदेखि कैलालीको फाप्ला मैदानमा हुदैछ ।
