बैतडी –बैतडीमा पुसे १५ को अवसरमा आयोजना गरिएको खुल्ला पुरुष डबल ब्याड्मिन्टन प्रतियोगिता सम्पन्न भएको छ । दशरथचन्द नगर खेलकुद विकास समितिको आयोजनामा पुस १५ गतेदेखि सञ्चालन भएको प्रतियोगिता आज सम्पन्न भएको हो । प्रतियोगितामा २४ टीमको सहभागिता रहेको थियो ।
प्रतियोगितामा आनन्द थापा र कैलाश थापाको टीम प्रथम, राजबहादुर बोहरा र प्रकाश बिष्टको टीम द्वितीय, दिनेश ठगुन्ना र चन्द्रसिंह डोबालको टीम तृतीय र अंकित जोशी र हरिश भण्डारीको टीमले सान्त्वना स्थान प्राप्त गरेका छन् ।
प्रतियोगितामा प्रथम हुनेले नगद १५ हजार सहित ट्रफी, मेडल र प्रमाण पत्र हात पारेका छन् । यस्तै दोश्रो हुने टीमले नगद १० हजार सहित ट्रफी, मेडल र प्रमाण पत्र, तेश्रो हुनेले नगद ५ हजार सहित ट्रफी, मेडल र प्रमाण पत्र हात पारेका छन् । यस्तै सान्तवना स्थान हासिल गर्ने टीमले नगद ५ हजार सहित ट्रफी, मेडल र प्रमाण पत्र हात पारेको छ ।
प्रतियोगिता अन्तर्गत दशरथचन्द नगरपालिकाभित्रका ब्याड्मिन्टनका राष्ट्रिय खेलाडीहरुलाई दोसल्ला र कदर पत्र प्रदान गरेर समान्न गरिएको नगर खेलकुद विकास समितिका अध्यक्ष भुपेन्द्र चन्दले बताए ।
ब्याडमिन्टनका राष्ट्रिय खेलाडीहरु सरपसिंह ठगुन्ना, जनकराज भट्ट, लक्ष्मीराज भट्ट, दौलत खत्री, चन्द्रसिंह ठगुन्ना, गोवर्धन राना र राजबहादुर बोहरालाई सम्मान गरिएको हो ।
प्रतियोगिताका विजेता टीमहरुलाई नगरप्रमुख पुष्करराज जोशी (लख्खाभाइ) र प्रमुख जिल्ला अधिकारी सुरेश पन्थीले पुरस्कार र प्रमाण पत्र प्रदान गरेका थिए । नगर खेलकुद विकास समितिका अध्यक्ष भुपेन्द्र चन्दको अध्यक्षतामा ब्याड्मिन्टन प्रतियोगिताको समापन सत्र सञ्चालन भएको थियो ।
