कैलाली- कैलालीमा ट्याक्टर दुर्घटना हुँदा सहचालकको मृत्यु भएको छ । जिल्लाको गोदावरी नगरपालिका–१२ रातापानी सामुदायिक वनमा शुक्रबार बिहान से १ त ६१९३ नम्बरको ट्याक्टर दुर्घटना हुँदा सहचालक कञ्चनपुरको पुनर्वास नगरपालिकाका ४० वर्षीय मनीराम चौधरीको मृत्यु भएको प्रहरीले जनाएको छ।

प्रदेश ट्राफिक प्रहरी कार्यालय अत्तरियाका अनुसार चौधरीको ट्याक्टरको इन्जिनमा च्यापिएर मृत्यु भएको हो। यस्तै दुर्घटनामा ट्याक्टर चालक पुनर्वास नगरपालिका–१० का ४१ वर्षीय सत्तु राना गम्भीर घाइते भएका छन्। उनको धनगढीस्थित माया मेट्रो अस्पतालमा उपचार भइरहेको बताइएको छ  ।