बैतडी –बैतडीको दशरथचन्द नगरपालिकामा जारी नगरस्तरीय महिला टि—२० क्रिकेट प्रतियोगिता अन्तर्गत आज सेमिफाइनलका खेल हुँदैछन् । निङ्गलाशैनी क्रिकेट मैदान देहीमाण्डौंमा हुने पहिलो सेमिफाइनलमा दनपा २ देहिमाडौं र दनपा ६ थालिगडा भिड्ने नगर खेलुकद विकास समितिका अध्यक्ष भुपेन्द्र चन्दले जानकारी दिए । यस्तै दोस्रो सेमिफाइनलमा दनपा ८ त्रिपुरा र दनपा १० बाराकोट भिड्ने उनले बताए ।
शहीद दिवसको अवसरमा आयोजना गरिएको प्रतियोगिताको फाइनल खेल भोलि हुने जनाइएको छ । नगरका ७ टोलीको सहभागिता रहेको प्रतियोगिताको प्रथम पुरस्कार नगद २५ हजार, ट्रफी,मेडल र प्रमाण पत्र,द्धितिय पुरस्कार नगद १५ हजार, ट्रफी मेडल र प्रमाण पत्र रहेको छ ।
यस्तै प्रतियोगितामा ओमेन अफ द सिरिजलाई ३ हजार, बेष्ट बलर र बेष्ट व्याट्स ओमेनलाई १५÷१५ सय, अनुशासित टीमलाई ३ हजार र ओमेन अफ म्याचलाई ट्रफि प्रमाण पत्र दिइने जनाइएको छ ।
प्रतियोगिताको समापन समारोहमा दशरथचन्द नगरपालिकाभित्र रहेका अन्तर्राष्ट्रिय खेलाडीलाई दोसल्ला र कदरपत्रसहित सम्मान गरिने प्रशिक्षक दीपक बोहराले बताए ।
