कैलाली –चरेश सहित बझाङका एक युवक कैलालीमा पक्राउ परेका छन् । बझाङको छबिसपाथिभारा गाउँपालिका वडा नं ६ का २९ बर्षीय सत्यनारायाण फुलारालाई एक किलो ५ ग्राम चरेश सहित पक्राउ गरिएको सुदूरपश्चिम प्रदेश प्रहरी कार्यालयले जनाएको छ । 

सुदूरपश्चिम प्रदेश प्रहरी कार्यालय र इलाका प्रहरी कार्यालय मालाखेतीबाट खटिएको संयुक्त टोलीले बिशेष सूचनाका आधारामा फुलारालाई अत्तरीयाको एक होटलबाट पक्राउ गरेको हो । 

गोदावरी नगरपालिका २ बसापार्कस्थित छब्बिसपाथिभारा बझाङ होटलको कोठामा बसीरहेका फुलारालाई पक्राउ गरिएको हो । फुलारालाई इलाका प्रहरी कार्यालय मालाखेतीमा राखेर अनुसन्धान भइरहेको प्रहरीले जनाएको छ ।