कैलाली –प्रहरीले कैलालीका विभिन्न स्थानबाट लागु औषध ब्राउन सुगरसहित ६ जनालाई पक्राउ गरेको छ । जिल्ला प्रहरी कार्यालय कैलाली, इलाका प्रहरी कार्यालय भजनी र प्रहरीचौकी त्रिनगरनगरबाट खटिएको प्रहरीले टोलीले शनिबार ६ जनालाई पक्राउ गरेको हो । 

धनगढी उपमहानगरपालिका १३ का २३ बर्षीय सन्तोष रानालाई १ ग्राम ४३० मिलिग्राम ब्राउन सुगरसहित त्रिनगर ब्यारेलबाट पक्राउ गरेको प्रहरीले जनाएको छ । यस्तै धनगढी उपमहानगरपालिका १० का ५० बर्षीय नारायाण राना, डोटीको आर्दश गाउँपालिका २ घर भई हाल धनगढी उपमहानगरपालिका २ बस्ने १९ बर्षीया आयुसा उपाध्याय, धनगढी उपमहानगरपालिका ३ मिलनचोक बस्ने १५ बर्षीमा करीस्मा छेदाललाई ब्राउन सुगरसहित पक्राउ गरिएको हो । 

यस्तै टिकापुर नगरपालिका ७ दिव्यपुर बस्ने २९ बर्षीया सिवास्नी चौधरीलाई खैरो हिरोइन सहित पक्राउ गरिएको प्रहरीले जनाएको छ । चौधरीलाई मोटरसाइकलमा बोक्ने सोही ठाउँका २५ बर्षीय आकाश चौधरीलाई पनि प्रहरीले पक्राउ गरेको छ । पक्राउ परेकाहरुमाथि अनुसन्धान भइरहेको छ ।