भन्सार छलीका सामग्री सहित कैलालीमा एकजना पक्राउ
कैलाली –कैलालीमा भन्सार छलीका सामग्रीसहित एकजना पक्राउ परेका छन् । जिल्लाको धनगढी उपमहानगरपालिका २ ट्राफिचोकबाट २७ बर्षीय कुबेर महरालाई पक्राउ गरिएको प्रहरीले जनाएको छ ।
जिल्ला प्रहरी कार्यालय कैलाली, इलाका प्रहरी कार्यालय हसुलिया, प्रहरीचौकी त्रिनगरबाट खटिएको प्रहरी टोली अवैध भन्सार छलीका सामग्री सहित उनलाई नियन्त्रणमा लिएको हो ।
आइतबार ३० हजार ५ सय बराबरको भन्सार छलीका सामग्री बरामद गरी आवश्यक कारवाहीका लागि कैलाली भन्सार कार्यालयमा पठाइएको प्रहरीले जनाएको छ ।
चिनी, केराउ, कपडा, चकलेट, साइकलका सामग्री बरामद गरिएको प्रहरीले जनाएको छ ।
प्रकाशित मिति: सोमबार, माघ २३, २०७९ १२:०७
प्रतिक्रिया दिनुहोस्
थप कैलाली
