कैलाली –कैलालीको गोदावरी नगरपालिकाले नदीजन्य पदार्थ उत्खनन तथा संकलनमा रोक लगाएको छ । नेपाल सरकारको निर्णय अनुसार नगरपालिकाभित्रका विभिन्न नदी तथा खोलाबाट हुँदै आएको नदीजन्य पदार्थको उत्खनन् तथा संकलन कार्यमा रोक लगाइएको हो ।

नगरपालिकाले एक सूचना जारी गर्दै असार, साउन र भदौ गरी ३ महिनासम्म नगरपालिका क्षेत्रमा रहेका नदी तथा खोलाहरुबाट ढुगां, गिट्टी, बालुवा तथा ग्राभिल आदि नदीजन्य पदार्थको उत्खनन् र संकलन कार्य पूर्ण रुपमा बन्द गरिएको जानकारी गराएको छ ।

नगरपालिकाको सूचनाको कसैले अवज्ञा गरेमा कानुन अनुसार कारवाही हुने नगरपालिकाले जनाएको छ ।