डडेल्धुरा –डडेल्धुराको भागेश्वरमा लिकामा राष्ट्रपति रनिङ शिल्ड प्रतियोगिता सुरु भएको छ । गाउँपालिकाको आयोजनामा आइतबारबाट पालिकास्तरीय १३औँ राष्ट्रपति रनिङ शिल्ड सुरु भएको हो । गाउँपालिका अध्यक्ष हेमराज चटौतले एक कार्यक्रमकाबीच प्रतियोगिताको उद्घाटन गरे । 

भागेश्वर गाउँपालिका–२ रुपालमा भइरहेको प्रतियोगितामा गाउँपालिकाभरीका ८ वटा माध्यमिक विद्यालयको सहभागिता रहेको प्रमुख प्रशासकीय अधिकृत खगेन्द्र भारतीले जानकारी दिए । प्रतियोगितामा छात्र–छात्रा भलिबल, कबड्डी, एथलेटिक्स अन्तर्गका खेलहरू भइरहेका छन् । 

प्रतियोगिता माघ २ गतेसम्म संचालन हुनेछ । पालिकास्तरीय उक्त प्रतियोगितामा उत्कृष्ट प्रदर्शन गर्ने खेलाडीले जिल्लास्तरीय राष्ट्रपति रनिङ शिल्डमा सहभागिता जनाउन पाउने आयोजकले जनाएको छ ।