कैलाली –कैलालीमा लागुऔषधसहित चार जना युवा प्रक्राउ परेका छन् । जिल्लाका विभिन्न स्थानबाट प्रहरीले लागुऔषधसहित उनीहरुलाई पक्राउ परेको हो । धनगढी उपमहानगरपालिका–९ बङ्ग्राकटानबाट अवैध लागूऔषध दुई सय १० मिलिग्राम सहित ३ जना पक्राउ परेका छन् ।
धनगढी उपमहानगरपालिका–८ बुद्ध चोकका २१ वर्षीया मनिका वुढा, धनगढीगाँउका २६ वर्षीय महेश राना र २० वर्षीय रामलखन रानालाई पक्राउ गरिएको प्रहरीले जनाएको छ ।
अस्थायी प्रहरी पोष्ट जुगेडाबाट खटिएको प्रहरी टोलीले तीनै जनालाई अवैध लागुऔषधसहित पक्राउ गरेको हो । त्यस्तै जानकी गाउँपालिका–६ जगतपुर घर भई टीकापुर नगरपालिका–१ ब्लक नम्बर १४ बस्ने २४ वर्षीय नुतन कडायत पनि पक्राउ परेका प्रहरीले जनाएको छ ।
उनी अवैध लागूऔषध १ सय मिलिग्रामसहित सोमबार दिउँसो पक्राउ परेका हुन् । ईलाका प्रहरी कार्यालय टिकापुरबाट खटिएको प्रहरी टोलीले नुतनले सञ्चालन गरेको नमस्ते होटलमा बसिरहेको अवस्थामा लागूऔषधसहित फेला परेपछि पक्राउ गरिएको थियो । यस विषयमा प्रहरीले थप अनुसन्धान गरिरहेको छ ।
