बैतडी –बैतडीको पञ्चेश्वर गाउँपालिकामा पालिकास्तरीय राष्ट्रपति रनिङ शिल्ड प्रतियोगिता मंगलबारबाट शुरु भएको छ । गाउँपालिकाको वडा नं ३ स्थित कुलाउ माविको खेलमैदानमा भइरहेको प्रतियोगितामा पालिकाभरीका ९ ओटा विद्यालयको सहभागिता रहेको छ । 

गाउँपालिका अध्यक्ष गोरखबहादुर चन्दको अध्यक्षतामा भएको प्रतियोगिता उद्दघाटन सत्रमा मेलौली नगरपालिकाका नगर प्रमुख भीमबहादुर चन्द प्रमुख अतिथी रहेका थिए । यस्तै प्रतियोगिताको उद्दघाटन सत्रमा गाउँपालिका उपाध्यक्ष बीना भट्ट, मेलौली नगर खेलकुद विकास समितिका अध्यक्ष सागर भण्डारी, वडा अध्यक्ष,खेल प्रशिक्षक लगायतको उपस्थिती रहेको थियो । 

प्रतियोगितामा विजेता हुने विद्यालयहरुलाई शिल्ड, मेडल, ट्रफी र प्रमाण पत्र प्रदान गरिने बताइएको छ । प्रतियोगिता फागुन ४ गते सम्म सञ्चालन हुनेछ ।