कैलालीमा लागुऔषधसहित श्रीमान–श्रीमती पक्राउ
कैलाली –कैलालीको धनगढीमा श्रीमान श्रीमती लागुऔषधसहित पक्राउ परेका छन् । धनगढी उपमहानगरपालिका–१० खप्तड इँटाभट्टा नजिकबाट लागूऔषधसहित श्रीमान श्रीमती पक्राउ परेका हुन् ।
८५० मिलिग्राम लागुऔषधसहित धनगढी उपमहानगरपालिका–१५ का २३ वर्षीय हुकुम राना र उनकी २३ बर्षीया श्रीमती निलु चौधरी पक्राउ परेका हुन् ।
अस्थायी प्रहरी पोष्ट जुगेडाबाट खटिएको प्रहरी टोलीले सुदूरपश्चिम प्रदेश ०१–००९ प २५८३ नम्बरको स्कुटरलाई जाँच गर्ने क्रममा स्कुटरमा सवार दुबै जनालाई लागुऔषधसहित पक्राउ गरिएको प्रहरीले जनाएको छ ।
यस्तै गोदावरी नगरपालिका–१ का २४ वर्षीय सुमन थापा ४ ग्राम ३९० मिलिग्राम लागु औषधसहित पक्राउ परेका छन् । ईलाका प्रहरी कार्यालय मालाखेतीबाट खटिएको प्रहरी टोलीले थापालाई घरबाटै पक्राउ गरेको हो ।
प्रकाशित मिति: बुधबार, फागुन ३, २०७९ १६:१९
प्रतिक्रिया दिनुहोस्
थप कैलाली
