महाकालीले फेरी खतराको सतह पार गर्यो, सतर्क रहन आग्रह
बैतडी –महाकाली नदीमा लगातार बाढीले खतराको सतह पार गरिरहेको छ । लगातारको बर्षाले महाकालीमा बाढीले खतराको सतह पारेको गरेको हो ।
शनिबार बिहान डडेल्धुराको परीगाउँ जलमापन केन्द्रमा महाकाली नदीले खतराको सतह पार गरेको जिल्ला प्रशासन कार्यालय बैतडीका सूचना अधिकारी खगेन्द्र भारतीले जानकारी दिए ।
महाकाली नदीले डडेल्धुरामा खतराको सतह पार गरेको भएपनि बैतडीमा पनि उत्तिकै जोखिम रहेकाले तटीय क्षेत्रका नागरिकलाई सतर्क रहन उनले आग्रह गरे ।
महाकाली नदीमा बाढी आएकाले नदी छेउछाउमा नजान समेत प्रशासनले आग्रह गरेको छ ।
प्रकाशित मिति: शनिबार, असार ५, २०७८ ०७:४४
प्रतिक्रिया दिनुहोस्
साताको लोकप्रीय
