कैलाली –कैलालीमा दुई इलेक्ट्रोनिक पसलमा आगलागी भएको छ । जिल्लाको लम्की–चुहा नगरपालिका–९ प्रतापपुरमा दुई इलेक्ट्रोनिक पसलमा आगलागी भएको हो । स्थानीय जितबहादुर चौधरीको इलेक्ट्रोनिक पसल र नवराज चौलागाईको मोबाइल ग्यालरीमा आगलागी भएको प्रहरीले जनाएको छ । 

आगलागीबाट एक मोटरसाइकल सहित करीब ३० लाख रुपैंयाको धनमाल जलेर नष्ट भएको प्रहरीले जनाएको छ । चौधरीको इलेक्ट्रोनिक पसलमा विद्युत सर्ट भएर आगलागी भएको प्रहरीको भनाइ रहेको छ ।