होटेलमा तास खेलाउँदा बैतडीको दोगडाकेदारका विरेन्द्रसहित चारजना पक्राउ
कैलाली –होटेलमा तास खेलीरहेको अवस्थामा कैलाली प्रहरीले चारजनालाई पक्राउ गरेको छ । धनगढी उपमहानगरपालिका –३ बोराडाडीमा बैतडीको दोगडाकेदार गाउँपालिका –५ घर भएका ३० बर्षीय विरेन्द्र चन्दसहित चारजनालाई प्रहरीले पक्राउ गरेको हो । चन्दले सञ्चालन गरेको होटेलमा उनीहरुलाई तास खेलीरहेको अवस्थामा पक्राउ गरिएको हो ।
बिशेष सूचनाको आधारमा वडा प्रहरी कार्यालय धनगढीबाट खटिएको प्रहरीले उनीहरुलाई नगद १ लाख ४ हजार रुपैंया र एक गड्डी ताससहित पक्राउ गरेको हो ।
आइतबार राति पक्राउ परेका उनीहरुमाथि अनुसन्धान भइरहेको छ ।
प्रकाशित मिति: सोमबार, फागुन २९, २०७९ १४:४४
प्रतिक्रिया दिनुहोस्
थप कैलाली
लोकप्रीय
