डोटीमा जिप दुर्घटना

सगुन खबर मंगलबार, फागुन ३०, २०७९

डोटी- डोटीमा जिप र मोटरसाइकल एक आपसमा ठोक्किदा दुर्घटना भएको छ। सिलगढी देखि दिपायल जाँदै गरेको सु.प.प्र. ०१–००१ ज १२५९ नम्बरको जिप र नम्बर नखुलेका मोटरसाइकल एक आपसमा ठोक्किएको जिल्ला प्रहरी कार्यालय डोटीले जनाएको छ।

जिपमा चालक र ३ जना यात्रु सवार रहेको प्रहरीले बताएको छ। तीनै जना यात्रु गम्भिर घाइते भएका छन्। घाइते हुनेमा ६५ वर्षीया धौलीदेवी विष्ट, २९ वर्षीया टंक कुमारी उपाध्याय र २४ वर्षीया दुर्गादेवी विष्ट रहेका छन्।

डोटी प्रहरीका अनुसार उनीहरुको जिल्ला अस्पताल डोटीमा उपचार भइरहेको छ। जिप सडकदेखि ५० मिटर तल खसेको छ। दुर्घटनाको कारण नखुलेको प्रहरीले बताएको छ। यस विषयमा थप अनुसन्धान भइरहेको छ।

प्रकाशित मिति: मंगलबार, फागुन ३०, २०७९ ११:२५