उपराष्ट्रपति यादवलाई भारतीय समकक्षी धनखरको बधाई
काठमाण्डौं –उपराष्ट्रपति रामसहायप्रसाद यादवलाई भारतका उपराष्ट्रपति तथा भारतको राज्यसभाका अध्यक्ष जगदीप धनखरले बधाई तथा शुभकामना दिएका छन् ।
उपराष्ट्रपति धनखरले आज सामाजिक सञ्जालमार्फत् ट्विटमार्फत नवनिर्वाचित उपराष्ट्रपति यादवलाई बधाई दिएका हुन् ।
उपराष्ट्रपति धनखरले दुई देशबीचको बहुआयामिक सम्बन्ध तथा जनस्तरको सम्बन्धलाई आगामी दिनमा थप सुदृढ बनाउनसँगै काम गर्न चाहेको सन्देशमा उल्लेख गरेका छन् ।
यही चैत ३ गते उपराष्ट्रपति पदमा निर्वाचित हुनुभएका यादवले राष्ट्रपति कार्यालय शीतल निवासमा आज पद तथा गोपनीयताको शपथ लिएका छन् ।
शपथलगत्तै उपराष्ट्रपति यादवले उपराष्ट्रपतिको कार्यालय हरितगृह लौनचौर पुगेर पदबहाली गरेका हुन् ।
प्रकाशित मिति: सोमबार, चैत ६, २०७९ १६:२५
प्रतिक्रिया दिनुहोस्
थप राष्ट्रिय
लोकप्रीय
