कैलाली- कैलालीमा ट्याक्टर दुर्घटना भएको छ। दुर्घटनामा एकजनाको मृत्यु भएको छ। शनिवार राति मोहन्याल गाउँपालिका वडा नम्बर ५ तालबन्दस्थित भित्रि सडक खण्डमा ट्याक्टर दुर्घटना भएको हो।

दुर्घटनामा गौरीगंगा नगरपालिका वडा नम्बर ७ का ४५ वर्षीय चक्रबहादुर जेठाराको मृत्यु भएको छ। से २ त २८५० नम्बरको ट्याक्टर अनियन्त्रित भएर दुर्घटना भएको कैलाली प्रहरीले बताएको छ।

ट्याक्टर दुर्घटनामा घाइते भएका जेठाराको उपचारका क्रममा मृत्यु भएको जिल्ला प्रहरी कार्यालय कैलालीका डीएसपी कुलदीप चन्दले बताए। उनको सेती प्रादेशिक अस्पताल धनगढीमा उपचारका क्रममा मृत्यु भएको हो। गौरीगंगा नगरपालिका ८ लिक्माका ३४ वर्षीय ट्याक्टर चालक मानबहादुर महरालाई प्रहरीले नियन्त्रणमा लिएको छ।