स्वास्थ्यमा सुधारपछि राष्ट्रपति पौडेल स्वदेश फिर्ता
काठमाण्डौ – भारतमा उपचार गरी स्वास्थ्यमा सुधार आएपछि राष्ट्रपति रामचन्द्र पौडेल स्वदेश फिर्ता भएका छन् । उनी गएराति स्वदेश फर्किएका हुन् ।
गएको वैशाख ६ गते उपचारका लागि उनी भारत गएका थिए । राष्ट्रपति पौडेल दिल्लीमा रहेको अल इण्डिया इन्स्टिच्युट अफ मेडिकल साइन्सेस (एम्स) बाट हिजो डिस्चार्जपछि स्वदेश फर्किएका हुन् ।
राष्ट्रपति कार्यालयका प्रवक्ता सागर आचार्यले निकालेको विज्ञप्ति अनुसार उनी नेपाल एअरलाइन्सको नियमित उडानबाट स्वदेश फर्किएका हुन् ।
राष्ट्रपति पौडेललाई डाक्टरले केही हप्ता आराम गर्न सुझाव दिएका छन् । पेट र छातीमा समस्या देखिएपछि उनी उपचारका लागि भारत गएका थिए ।
प्रकाशित मिति: सोमबार, वैशाख १८, २०८० ०९:०८
प्रतिक्रिया दिनुहोस्
थप राष्ट्रिय
