पूर्व राजा ज्ञानेन्द्र धनगढी आउने
कैलाली – पूर्व राजा ज्ञानेन्द्र शाह धनगढी आउने भएका छन् । परिवारसहित आइतबार पूर्वराजा ज्ञानेन्द्र शाह धनगढी आउने कार्यक्रम तय भएको हो । नागरिक उन्मुक्ति पार्टीले बन्दको कार्यक्रम फिर्ता लिएसंगै पूर्व राजा धनगढी आउने भएका हुन् ।
पूर्व राजा ज्ञानेन्द्र जेठ ७ गते धनगढी पुग्ने र ८ गते नागरिक अभिनन्दन कार्यक्रम राखिएको नागरिक अभिनन्दन मूल समारोह समितिले जनाएको छ ।
पूर्व राजाको नागरिक अभिनन्दन ८ गते सोमवार दिउँसो ३ बजे धनगढी रङ्गशाला अर्थात् कभर्ड हलमा हुनेछ ।
आयोजकले पूर्व राजपरिवार सडक मार्ग हुँदै आइतवार नै धनगढी पुग्ने र सोमवार नागरिक अभिनन्दन गर्ने तयारी थालेको जनाएको छ ।
प्रकाशित मिति: शनिबार, जेठ ६, २०८० ०७:३६
प्रतिक्रिया दिनुहोस्
थप कैलाली
लोकप्रीय
