कञ्चनपुरमा जिपको ठक्करबाट दुई जना घाइते
कञ्चनपुर –कञ्चनपुरमा जिपको ठक्करबाट दुई जना घाइते भएका छन् ।
जिल्लाको बेलडाँडी गाउँपालिका–१ सिद्धचोकमा बेलौरीबाट बेलडाँडीतर्फ आइरहेको सुदूरपश्चिम प्रदेश ०१००१ च २७६१ नम्बरको तरकारी बोकेको जिपले साइकल यात्रुलाई ठक्कर दिएको हो ।
जिपको ठक्करबाट बेलौरी नगरपालिक–९ रतनपुरका ३० वर्षीय सुनिल चौधरी र १९ वर्षीय पवन चौधरी घाइते भएका छन् ।
घाइते दुवै जनाको धनगढीमा उपचार भइरहेको छ । सुनिल चौधरीको टाउकोमा चोट लागेको छ भने पवन चौधरीको बाँया हात र खुट्टामा चोट लागेको छ । जिप चालकलाई प्रहरीले नियन्त्रणमा लिएको छ ।
प्रकाशित मिति: शनिबार, जेठ १३, २०८० १७:४५
प्रतिक्रिया दिनुहोस्
