कालीकोट – कालीकोटमा रोकिराखेको जिप दुर्घटना हुँदा दुई जनाको ज्यान गएको छ ।

रास्कोट नगरपालिका वडा नम्बर–२ सेराबजारमा स्टार्ट गरी छोडेको बा १ च ४६४१ नम्बरको जिप सडकबाट भिरमा खसेर दुर्घटना भएको प्रहरीले जनाएको छ । दुर्घटनामा रास्कोट नगरपालिका–१ लहरेलाका  ४३ वर्षका मनबहादुर शाही र उनकी श्रीमती मैना शाहीको ज्यान गएको हो । 

दुर्घटनामा जिपमै रहेकी त्यही ठाउँकी रितु सिंह घाइते भएकी छन् । घाइतेलाई उपचारका लागि रास्कोट अस्पताल लगिएको जिल्ला प्रहरी कार्यालय कालीकोटका डीएसपी जयश्वर रिमालले जानकारी दिए । चालकले जीप स्टार्ट गरी छाडेर जुत्ता लगाउन गएका बेला दुर्घटना भएको प्रहरीले जनाएको छ ।