बैतडीको शिवनाथामा कोरोनाका सक्रिय संक्रमित शुन्य
बैतडी –बैतडीको शिवनाथ गाउँपालिकामा कोरोनाका सक्रिय संक्रमितको संख्या शुन्य भएको छ । गाउँपालिकाका एकजना संक्रमित व्यक्तिले आइतबार कोरोना जितेपछि सक्रिय संक्रमितको संख्या शुन्य भएको गाउँपालिकाका स्वास्थ्य शाखा प्रमुख नरेन्द्र महताले बताए ।
कोरोनाको दोश्रो लहर फैलिएपछि गाउँपालिकाका ५० जनामा संक्रमण पुष्टि भएको थियो । संक्रमण पुष्टि भएका ५० जनाले नै कोरोना जितेको उनले बताए ।
यो संगै जिल्लामा तीन स्थानीय तहमा कोरोनाका सक्रिय संक्रमित शुन्य भएका छन् । मेलौली नगरपालिका, पुर्चौंडी नगरपालिका र शिवनाथ गाउँपालिकामा कोरोनाका सक्रिय संक्रमित शुन्य रहेका स्वास्थ्य कार्यालयले जनाएको छ ।
शनिबार मात्रै सक्रिय संक्रमित शुन्य भएको डिलाशैनीमा आइतबार थप ५ जनामा संक्रमण पुष्टि भएको छ ।
प्रकाशित मिति: सोमबार, असार १४, २०७८ ०७:५४
प्रतिक्रिया दिनुहोस्
थप बैतडी
