कैलाली –कैलालीमा जिपले मोटरसाइकललाई ठक्कर दिँदा एक जनाको मृत्यु भएको छ ।

जिल्लाको गोदावरी नगरपालिका –४ खैरेनामा पूर्वबाट पश्चिमतर्फ आउँदै गरेको से ३ प ८९२५ नम्बरको मोटरसाईकललाई सुपप्र ०१–०२४ च ५१४८ नम्बरको जिपले ठक्कर दिँदा राजेन्द्रसिंह खड्काको मृत्यु भएको प्रहरीले जनाएको छ ।  

बिहीबार जिपको ठक्करबाट छाती र मुखमा गम्भिर चोट लागेका खड्कालाई उपचारका लागि धनगढी स्थित मायामेट्रो अस्पतालमा भर्ना गरिएको थियो । 

उपचारकै क्रममा गएराती २ बजेतिर मायामेट्रो अस्पतालमा खड्काको मृत्यु भएको प्रहरीले जनाएको छ । जिप चालक झलक ऐडीलाई प्रहरीले नियन्त्रणमा लिई थप अनुसन्धान गरिरहेको छ ।