रुकुम पश्चिम – कर्णाली प्रदेश मामिला समितिका सभापति कल्याणी खड्का चढेको जिप दुर्घटनामा परेको छ । खड्का चढेको कर्णाली प्रदेश ०२–००१ झ ००४४ नम्बरको जिप रुकुम पश्चिमको चौरजहारी नगरपालिका–३ घारीपाखामा दुर्घटनामा परेको हो । दुर्घटनामा परेर सभापति खड्कासहित नौ जना घाइते भएका छन् । 

चौरजहारी नगरपालिका –९ मा रहेको आधारभूत विद्यालय भुवाटाकुराका प्रधानाध्यापक सुगन्धा मल्ल, खड्काका स्वकीय सचिव हुकुम बीसी, चालक युवराज गिरीसहित गाडीमा रहेका नौ घाइते भएका हुन् ।

भोलि आइतवार रुकुमपश्चिमको त्रिवेणी गाउँपालिकामा हुने गाउँसभामा सहभागी हुन त्यसतर्फ जाँदै गर्दा जीप दुर्घटना भएको हो । स्टेयरिङ अकस्मात घुमेपछि अनियन्त्रित भएर जीप पल्टिएको चालक गिरीले बताए  । 

घाइतेहरुको चौरजहारी अस्पतालमा उपचार भइरहेको इलाका प्रहरी कार्यालय चौरजहारीले जानकारी दिएको छ ।