बझाङमा जेसीबी दुर्घटना, चालक घाइते
बझाङ –बझाङमा जेसीबी दुर्घटना भएको छ । जिल्लाको छबिस पाथिभेरा गाउँपालिकामा जेसीबी दुर्घटना भएको हो । आज (सोमवार) बिहान ६ बजे छबिस पाथिभेराको वडा नम्बर–४ को ब्यासी बजारको बालुवा खानीमा बा ३ झ २३३५ नम्बरको जेसीबी दुर्घटनामा परेको प्रहरीले जनाएको छ ।
बिद्या ज्योती कन्ट्रक्सनको जेसीबी दुर्घटना हुँदा चालक नुवाकोट बिदुर नगरपालिका–११ का अन्दाजी २८ वर्षीय युवराज तिमिल्सेना घाइते भएको जिल्ला प्रहरी कार्यालय बझाङले जनाएको छ ।
घाइतेका चालकलाई उपचारका लागि जिल्ला अस्पताल ल्याइएको प्रहरीले जनाएको छ । सडकबाट ५० मिटर तल खसेको जेसीबी पूर्ण रुपमा क्षतिग्रस्त भएको छ ।
प्रकाशित मिति: सोमबार, असार २५, २०८० १२:२१
प्रतिक्रिया दिनुहोस्
लोकप्रीय
